ചെന്നൈ: സിനിമയിലും രാഷ്ട്രീയത്തിലും രണ്ടുവഴികളാണ് താനും കമലും സ്വീകരിച്ചതെന്നും ജനങ്ങളുടെ നന്മക്കായി പ്രവര്ത്തിക്കുമെന്നും രജനീകാന്ത് പറഞ്ഞു. കമല്ഹാസനുമായുള്ള കൂടിക്കാഴ്ചക്ക് ശേഷം പ്രതികരിക്കുകയായിരുന്നു രജനീകാന്ത്. രജനീകാന്തിന്റെ വീട്ടില് വച്ചാണ് ഇരുവരും കൂടിക്കാഴ്ച നടത്തിയത്. രജനികാന്തിന്റെ രാഷ്ട്രീയ പാര്ട്ടി പ്രഖ്യാപനത്തിനുശേഷം ഇതാദ്യമായാണ് കമല് രജനിയെ സന്ദര്ശിക്കുന്നത്.
പാര്ട്ടി പ്രഖ്യാപനച്ചടങ്ങിലേയ്ക്ക് ക്ഷണിക്കാനാണ് കമല് എത്തിയതെന്ന് രജനികാന്ത് മാധ്യമപ്രവര്ത്തരോട് പറഞ്ഞു. ഇക്കാര്യം കമലഹാസനും സ്ഥിരീകരിച്ചു. ഫെബ്രുവരി ഇരുപത്തിയൊന്നിനാണ് കമലഹാസന് തന്റെ രാഷ്ട്രീയ പാര്ട്ടി പ്രഖ്യാപിക്കുന്നത്. എന്റെ ശൈലി കമലിന്റേതില് നിന്ന് ഏറെ വ്യത്യസ്തമാണെങ്കിലും രണ്ടുപേരുടെയും ലക്ഷ്യം ഒന്നാണെന്ന് രജനികാന്ത് പറഞ്ഞു.
തെരഞ്ഞെടുപ്പിനെ നേരിടാന് രജനികാന്തുമായി കൈകോര്ക്കണമോ എന്ന കാര്യം ഗൗരവമായി ആലോചിക്കേണ്ട വിഷയമാണെന്ന് കമല്ഹാസന് മുമ്പ്പ്രതികരിച്ചിരുന്നു. രജനികാന്തിന്റെ കാഴ്ചപ്പാട് കാവിയല്ലെന്ന് കരുതുന്നതായും തന്റെ രാഷ്ട്രീയത്തിന്റെ നിറം കറുപ്പാണെന്നും കമല്ഹാസന് പറഞ്ഞിരുന്നു.
ബെംഗളൂരുവാർത്തയുടെ ആൻഡ്രോയ്ഡ് ആപ്ലിക്കേഷൻ ഇപ്പോൾ ഗൂഗിൾ പ്ലേസ്റ്റോറിൽ ലഭ്യമാണ്, പോർട്ടലിൽ പ്രസിദ്ധീകരിക്കുന്ന വാർത്തകൾ വേഗത്തിൽ അറിയാൻ മൊബൈൽ ആപ്പ് ഇൻസ്റ്റാൾ ചെയ്യുക. If you cannot read Malayalam,Download BengaluruVartha Android app from Google play store and Click On the News Reader Button. [masterslider id="10"]
